02/04/2012 அன்று தொடக்கநிலை ஐந்தாம் மற்றும் ஆறாம் வகுப்பு மாணவர்கள் குட்டி இந்தியாவிற்குக் கற்றல் பயணம் மேற்கொண்டனர். ‘ஏமேசிங் ரேஸ்’ (Amazing Race) என்ற பிரபல ஆங்கிலத் தொலைக்காட்சி போட்டி நிகழ்ச்சி போல், மாணவர்கள் குட்டி இந்தியாவில் உள்ள பற்பல இடங்களுக்குத் தங்கள் குழுக்களோடு சென்று அங்கு அவர்களுக்காக ஏற்பாடு செய்யப்பட்ட தமிழ் நடவடிக்கைகளில் மிகுந்த ஆர்வத்தோடு பங்குபெற்றனர். மாணவர்களில் சிலர் குட்டி இந்தியாவிற்குப் பலமுறை குடும்பத்தோடு வந்திருந்தாலும் அன்று அங்கு அவர்கள் தமிழ் சார்ந்த நடவடிக்கைகளில் ஈடுபட்டது அவர்களில் பலருக்கும் ஒரு மறக்க முடியாத அனுபவமாக அமைந்தது எனலாம். கற்றல் பயணத்தின் முடிவில், மாணவர்கள் அனைவரும் பிரபல இந்திய உணவகம் ஒன்றில், பாரம்பரிய சிற்றூண்டி உண்டு மகிழ்ந்தார்கள். கற்றல் பயணத்தின்போது எடுக்கப்பட்ட புகைப்படங்கள் இதோ உங்கள் பார்வைக்கு:
