புதன், 9 டிசம்பர், 2009

தொடக்கப்பள்ளி இறுதித் தேர்வுகளின் முடிவுகள் வெளியாயின!

26/11/2009 அன்று தொடக்கப்பள்ளி இறுதித் தேர்வுகளின் முடிவுகள் வெளியாயின. தொடக்கநிலை ஆறாம் வகுப்பு மாணவர்கள் மிக ஆர்வத்துடன் தங்கள் முடிவுகளைப் பெற்றுக்கொள்ள நண்பகல் 12 மணிக்கெல்லாம் பள்ளிக்கு வந்திருந்தனர். பள்ளித் தலைமையாசிரியரின் உரைக்குப் பின், மாணவர்கள் தங்கள் முடிவுகளைப் பெற்றுக்கொண்டனர்.

இவ்வாண்டு, பிளாங்கா ரைஸ் தொடக்கப்பள்ளியின் தலை சிறந்த மாணவர் அனைத்துப் பாடங்களிலும் சிறப்புத் தேர்ச்சி பெற்றதோடு, 273 புள்ளிகளைப் பெற்றிருந்தார். அவருக்கு எங்களது மனமார்ந்த பாராட்டுகள்!


இவ்வாண்டு தொடக்கப்பள்ளி இறுதித் தேர்வுகளில், நம் மாணவர்கள் தமிழ் மொழியிலும் சிறப்பாகச் செய்திருந்தனர். அவர்கள் 100 விழுக்காட்டு தேர்ச்சி பெற்றதுடன், சிறப்புத் தேர்ச்சி விகிதத்தில் தேசிய அளவினைக் காட்டிலும் மிகச் சிறப்பாகச் செய்து பள்ளிக்குப் பெருமை சேர்த்தனர். வெளுத்து வாங்கிவிட்டீர்கள், மாணவர்களே! வாழ்த்துக்கள்!

மாணவர்களே, கடந்த சுமார் ஆறு ஆண்டுகளாக நீங்கள் பிளாங்கா ரைஸ் தொடக்கப்பள்ளியில் பெற்ற கல்வியையும் அனுபவத்தையும் அடித்தளமாகக் கொண்டு வாழ்க்கையில் மேன்மேலும் சிறப்புகள் பெற ஆசிரியர்கள் அனைவரும் வாழ்த்துகிறோம்.


புதன், 18 நவம்பர், 2009

நவம்பர் மாதச் சிந்தனை உங்களுக்காக

நீ வாழ்க்கையை நேசிக்கின்றாயா?
பொறுமை கடலினும் பெரிது.
அப்படியென்றால் நேரத்தை வீணாக்காதே
ஏனெனில் வாழ்க்கையின் மூலதனமே நேரந்தான்.
                                                                       - மேல்நாட்டு அறிஞர் ஒருவர்

தேர்வுகள் முடிந்து, பள்ளி விடுமுறையைக் குதூகலமாகக் கழிக்க ஆவலுடன் காத்துக்கொண்டிருக்கும் மாணவர்களே, நேரம் பொன் போன்றது. உங்கள் விடுமுறையினை உற்சாகத்துடனும் பயனுள்ள வழியிலும் கழித்திட தமிழாசிரியர்கள் எங்கள் ஐவரின் இனிய நல்வாழ்த்துக்கள்! 

செவ்வாய், 17 நவம்பர், 2009

வெற்றி நிச்சயம். இது வேதத் தத்துவம்!

இவ்வாண்டு நடைபெற்ற தமிழ் மொழிப் போட்டிகளில் வெற்றி பெற்ற மாணவர்களுக்கு 16/11/2009 அன்று பள்ளியில் பரிசுகள் வழங்கப்பட்டன.

வெற்றி பெற்ற மாணவர்கள் தங்கள் வெற்றிக் கோப்பைகளுடன்:

போட்டிகளில் வெற்றிபெற்ற தொடக்கநிலை முதலாம் மற்றும் இரண்டாம் வகுப்பு மாணவர்கள்:

கதை சொல்லும் போட்டி வெற்றியாளர்கள்:















சொற்கள் உருவாக்கும் / கட்டுரை போட்டி வெற்றியாளர்கள்:















போட்டிகளில் வெற்றிபெற்ற தொடக்கநிலை மூன்றாம் மற்றும் நான்காம் வகுப்பு மாணவர்கள்:

கதை சொல்லும் போட்டி வெற்றியாளர்கள்:















கட்டுரை போட்டி வெற்றியாளர்கள்:















போட்டிகளில் வெற்றி பெற்ற தொடக்கநிலை ஐந்தாம் மற்றும் ஆறாம் வகுப்பு மாணவர்கள்:

பேச்சு / கட்டுரை போட்டி வெற்றியாளர்கள்:





 
 
 
 
 
 
 
 
 
 
 
வெற்றி பெற்ற மாணவர்கள் அனைவருக்கும் எங்களின் மனமார்ந்த நல்வாழ்த்துக்கள்!

வியாழன், 12 நவம்பர், 2009

இம்மாத விடுகதை

பள்ளி விடுமுறைக்கு முன், இதோ உங்களுக்காக வந்துவிட்டது, இம்மாத விடுகதை.

கிளை இல்லாத மரம்
வெட்ட வெட்ட வளரும்.
அது என்ன?


கண்டுபிடியுங்கள்! கண்டுபிடியுங்கள்!

புதன், 11 நவம்பர், 2009

பிளாங்கா ரைஸ்ஸின் தீபாவளிக் குதூகலம்!

16/10/2009 அன்று நம் பள்ளியில் தீபாவளிக் கொண்டாட்டங்கள் களை கட்டின. நம் தமிழ் மாணவர்கள் படைத்த கலைநிகழ்ச்சி பிற மாணவர்களையும் ஆசிரியர்களையும் வெகுவாகக் கவர்ந்தது. நிகழ்ச்சியில் இடம்பெற்ற சில சிறப்பு அம்சங்களின் படச்சுருள்கள் இதில் இணைக்கப்பட்டுள்ளன.


நிகழ்ச்சியின்போது தொடக்கநிலை ஐந்தாம் வகுப்பு மாணவிகள் படைத்த நடனம் அனைவரையும் ஈர்த்தது:



நிகழ்ச்சியின்போது நம் மாணவர்கள் தங்கள் பாரம்பரிய உடைகளில் பவணி வந்தார்கள். அவர்களின் ஆடை அணிவகுப்பு மண்டபத்தில் இருந்தவர்களின் பலத்த கரவொலியை எழுப்பியது:



நிகழ்ச்சியின் சிறப்பு அம்சமாகத் திரு.காலிட் (Mr. Khalid) பாடிய பாடல்கள் அமைந்தன. அவர் வேற்றினத்தவராக இருந்தாலும், தமிழில் பாடி அனைவரின் பாராட்டுகளையும் பெற்றார். வெளுத்து வாங்கிவிட்டார், திரு. காலிட்!



பிளாங்கா ரைஸ் தொடக்கப்பள்ளியின் மாணவர்கள் மற்றும் ஆசிரியர்கள் தம்முள் ஒளிந்திருக்கும் கலைத் திறன்களை வெளிக்கொணர்வதற்கு இந்தத் தீபாவளிக் கலைநிகழ்ச்சி ஒரு சிறந்த தளமாக அமைந்தது என்றால் அது சிறிதளவும் மிகையாகாது!

செவ்வாய், 20 அக்டோபர், 2009

தேர்வுகளுக்குத் தயாராகுங்கள்!

தேர்வுகள் நெருங்கி கொண்டிருக்கும் காலம் இது.

உங்கள் நேரத்தை நல்வழியில் வகுத்து உங்களின் பாடத்திருப்பங்களை நல்ல முறையில் செய்திடுங்கள்.

உங்களின் தன்னம்பிக்கையைக் கைவிடாமல், விடாமுயற்சியுடன் செயல்படுங்கள்!

வெற்றி உங்களுக்கே! 

உங்கள் தேர்வுகளில் நீங்கள் சிறப்பாகச் செய்ய எங்களுடைய இனிய நல்வாழ்த்துக்கள்!


Source (மூலம்):
Youtube - http://www.youtube.com/watch?v=qIR66btW3u8

ஞாயிறு, 18 அக்டோபர், 2009

தீபாவளி நல்வாழ்த்துக்கள்!

தித்திக்கும் நன்னாளில்

தீமைகள் நீங்கி

நன்மைகள் பெருகட்டும்

தீப ஒளியில் மத்தாப்பூ போல

மகிழ்ச்சி பரவட்டும்

மங்களம் பெருகட்டும்

இன்பத் தீபாவளி நல்வாழ்த்துக்கள்!


அனைத்து இந்து மாணவர்களுக்கும் ஆசிரியர்களுக்கும் எங்களது இனிய தீபாவளி நல்வாழ்த்துக்கள்!

தமிழ்க் கருத்தறிதல் பட்டறை

பிளாங்கா ரைஸ் தொடக்கப்பள்ளியின் தமிழ்மொழிப் பிரிவு தொடக்கநிலை 4 மற்றும் தொடக்கநிலை 5 மாணவர்களுக்கு 06-10-2009 அன்று பள்ளியில் கருத்தறிதல் பட்டறை ஒன்றுக்கு ஏற்பாடு செய்திருந்தது. இந்த இரண்டு மணி நேரப் பட்டறையில் ‘ஏன்’, ‘எவ்வாறு’ முதலிய கேள்வி வகைகள் குறித்தும் அக்கேள்வி வகைகளுக்குப் பதிலளிக்கும் உத்திகள் குறித்தும் மாணவர்களுக்கு விளக்கப்பட்டன. இப்பட்டறையின்போது, மாணவர்கள் பகுதிகளிலிருந்து பதில்களை அடையாளம் காணுதல், அவற்றைக் கேள்வி வகைக்கு ஏற்ப பதிலளித்தல் முதலிய நடவடிக்கைகளில் தங்கள் குழுக்களில் ஆர்வத்துடன் ஈடுபட்டனர்.



சனி, 17 அக்டோபர், 2009

E-Learning - தொடக்கநிலை 5 தமிழ்

கட்டுரை

பின்வரும் படத்தொடரை அடிப்படையாகக் கொண்டு, 100 சொற்களுக்குக் குறையாமல் ஒரு கட்டுரை எழுது. படத்தொடரின் அடியில் கொடுக்கப்பட்டிருக்கும் சொற்களையும் சொற்றொடர்களையும் நீ இந்தக் கட்டுரை எழுதுவதற்கு உதவியாகப் பயன்படுத்திக்கொள்ளலாம். நீ உன் கட்டுரையை Foolscap தாளில் எழுதவும்.



சுயவிடைக் கருத்தறிதல்
பின்வரும் பகுதியைக் கருத்தூன்றிப் படி.

குமரவேல் மிகவும் அ‎ன்பாக ஒரு நாயை வளர்த்து வந்தா‎ன். அவ‎ன் த‎ன்னுடைய வறுமை நிலையின் காரணமாக, ஒரு சமயம் த‎ன்னுடைய நாயை ஒரு செல்வந்தரிடம் அடுகு வைத்து ஐந்நூறு வெள்ளி கடன் வாங்கினான். நாய் அச்செல்வந்தரிடம் ‏‏வளர்ந்தது.

சில நாட்கள் சென்றன. ஒரு நாள் கள்வர்கள் சிலர் செல்வந்தருடைய வீட்டில் களவாடச் செ‎‎ன்றனர். கள்வர்கள் அச்செல்வந்தருடைய வீட்டை நெருங்கிய சமயத்தில், அந்த நாய் குரைத்து எல்லோரையும் எழுப்பியது. நாய் கள்வர்கள் மீது பாய்ந்து கடித்து அவர்களைத் துரத்தியது. கள்வர்கள் தப்பினால் போதும் எ‎ன்று ஓடிவிட்டனர்.

நாயின் செயல் அச்செல்வந்தருக்கு மிக்க மகிழ்ச்சியை அளித்தது. உடனே அவர் ஒரு காகிதத்தில், “நாய் நேற்றிரவு எ‎ன் வீட்டில் களவாடுவதற்கு வந்த கள்வர்களைக் கடித்துத் துரத்தியதுட‎ன் எ‎ன்னையும் எழுப்பிவிட்டது. அதனுடைய செய்கையால் எ‎ன் செல்வம் களவு போகாமல் தப்பியது. நாய் செய்த ‏‏‏இப்பேருதவிக்காக, நா‎ன் உனக்குக் கடனாகக் கொடுத்த ஐந்நூறு வெள்ளியையும் உனக்கு ந‎ன்கொடையாக்கி விட்டே‎ன். இனி, நீ எனக்குக் கடன் தொகையைக் கொடுக்க வேண்டியதில்லை.” எ‎ன்று எழுதி, நாயின் கழுத்தில் அதை வைத்துக் கட்டி, அதனுடைய தலைவனிடம் செல்லுமாறு அதற்குக் குறிப்பு காட்டினா‎ர். நாயும் அவ்வாறே குமரவேலிடம் செ‎ன்றது.

குமரவேல், த‎ன்னுடைய நாயி‎ன் வருகையைக் கண்டு, ‏இந்நாய் செல்வநதரை ஏமாற்றி விட்டு வந்து விட்டது எ‎ன்று எண்ணிக் கடுங்கோடம் கொண்டா‎ன். உடனே ஒரு தடியை எடுத்து நாயி‎ன் மண்டையில் ஓங்கி அடித்தா‎ன்.

நாய் ‏‏இறந்து வீழ்ந்தது. அத‎ன் கழுத்தில் ‏‏இருந்த சீட்டை எடுத்து அவ‎ன் படித்துப் பார்த்தா‎ன். செய்தியை அறிந்ததும், குமரவேல் சிந்தை கலங்கிக் கண்ணீர் வடித்தான். எப்பொழுதும், எதையும் சிந்தித்துப் பார்த்துவிட்டுச் செயல்படும்போதுதான் அசம்பாவிதங்கள் நிகழாமல் ‏‏இருக்கும். ‏‏‏இந்த உண்மையை நாமும் உணர்ந்து கொண்டால் குமரவேலின் கதி நமக்கு ஏற்படாமல் ‏‏இருக்கும். ‏‏

Q1 முதல் Q6 வரையுள்ள வினாக்களுக்கு மேற்கண்ட பகுதியிலிருந்து விடைகளைக் கண்டிறிந்து, Foolscap தாளில் உன் விடைகளை எழுதுக. (20 மதிப்பெண்கள்)

Q1 குமரவேல் எவ்வாறு தன்‎ வறுமையைச் சமாளிக்க எண்ணினான்?
                                                                                                                             (3 மதிப்பெண்கள்)

Q2 கள்வர்கள் வீட்டை நெருங்கியதும் நாய் எ‎ன்ன செய்தது?
                                                                                                                              (3 மதிப்பெண்கள்)

Q3 மகிழ்ச்சியடைந்த செல்வந்தர் குமரவேலுக்கு அனுப்பிய குறிப்பில்
      என்ன எழுதினார்‎? (4 மதிப்பெண்கள்)

Q4 குமரவேல் ஏ‎ன் கடுங்கோபம் அடைந்தான்? (3 மதிப்பெண்கள்)

Q5 குமரவேலின் கடுங்கோபத்தால் என்ன நிகழ்ந்தது?
                                                                                                   (4 மதிப்பெண்கள்)

Q6 ‏இக்கதை நமக்கு எதை உணர்த்துகிறது? (3 மதிப்பெண்கள்)



முற்றும்

(*குறிப்பு: பயிற்சிநூலிலுள்ள மொழிப்பாடப்பயிற்சி 2-ஐ செய்திட மறந்திடாதீர்கள்!)

E-Learning - தொடக்கநிலை 5 உயர்தமிழ்

சுயவிடைக் கருத்தறிதல்

பின்வரும் பகுதியைக் கருத்தூன்றிப் படி.

குருடர்கள் எதையும் செய்ய முடியாதவர்கள்; மற்றவர்களுக்குப் பயன்படாதவர்கள் என்ற எண்ணங்கள் இருநூறு ஆண்டுகளுக்கு முன் மக்களிடையே இருந்தன. அக்காலங்களில் அவர்கள் பிச்சைக்காரர்களாகவே வாழ்ந்து வாழ்ந்தனர். ஆனால், 1771-இல் குருடர்களால் படிக்கவும் சிறப்பாக வாழவும் முடியும் என்பதை வாலண்டின் என்பவர் நிரூபித்தார்.

அவர் ஒருநாள் ஒரு கேளிக்கைச் சந்தையில் குருடர்கள் சிலர் கேலி செய்யப்டுவதைப் பார்த்தார். இந்நிகழ்ச்சி அவர் மனத்தைப் பெரிதும் பாதித்தது. குருடர்கள் அனுபவிக்கும் இன்னல்களை அவர் உணர்ந்தார். மனம் கலங்கிய அவர் தம் வாழ்நாளை குருடர்களின் கல்விக்காகவும் அவர்களின் வாழ்வின் உயர்வுக்காகவும் அர்பணிக்க முடிவெடுத்தார்.

அவர் ஒருநாள் பிரான்சுவா என்ற பார்வையற்ற சிறுவனைக் கண்டார். அவன் ஒரு சாலையோரமாகப் பிச்சை எடுத்துக் கொண்டிருந்தான். வாலண்டின் அவனுடைய ஒவ்வொரு செயலையும் உற்றுக் கவனித்தார். விரல்களால் தொட்டு உணர்வதில் குருடர்களுக்கு அதிக ஆற்றல் இருப்பதை அவர் உணர்ந்தார். அத்திறமையை மேலும் வளர்க்க விரும்பினார். கட்டைகளில் எழுத்துக்களைச் செதுக்கி அவற்றைத் தொட்டு உணர்ந்து படிக்க அச்சிறுவனைப் பழக்கினார். இந்த முறையை விடச் சிறந்த ஒரு முறையை எதிர்பாராத விதமாக அவர் கண்டுபிடித்தார்.

ஒருநாள் பிரன்சுவா மேசையில் இருந்த பொருள்களை அடுக்கினான். அப்போது தடித்து மேலெழுந்த அச்சுக்களைக் கொண்ட ஒரு அட்டையை அவன் ஆர்வத்துடன் கைவிரல்களால் தொட்டுப் படிக்க முயல்வதைக் கண்டார். இதன் பிறகு அவர் இதைப் போன்ற அச்சுக்களைக் கொண்ட புத்தகங்களை வெளியிட்டு குருடர்களின் கல்விக்கு வழிவகுத்தார். குருடர்களுக்காக அரசாங்கத்தின் உதவியுடன் பள்ளிக்கூடமும் அமைத்தார். குருடர்களுக்குப் படிக்கவும் எழுதவும் இசைக்கருவிகள் இசைக்கவும் இவர் கற்றுக் கொடுத்தார். பிற்காலத்தில் இவர் ` குருடர்களின் தந்தை` என போற்றப்பட்டார்.


Q1 முதல் Q6 வரையுள்ள வினாக்களுக்கு மேற்கண்ட பகுதியிலிருந்து விடைகளைக் கண்டிறிந்து, Foolscap தாளில் உன் விடைகளை எழுதுக. (22 மதிப்பெண்கள்)

Q1. முற்காலத்தில் மக்கள் குருடர்களைப் பற்றி என்ன நினைத்தார்கள்? (3 மதிப்பெண்கள்)

Q2. வாலண்டின் எப்போது குருடர்களுக்குத் தம் வாழ்நாளை அர்பணிக்க முடிவு செய்தார்? (4 மதிப்பெண்கள்)

Q3. பிரான்சுவாவின் செயல்கள் வாலண்டினுக்கு எதை உணர்த்தின? (4 மதிப்பெண்கள்)

Q4. குருடர்களின் கல்விக்காக எப்படிப்பட்ட புத்தகங்கள் வெளியிடப்பட்டன? (4 மதிப்பெண்கள்)

Q5. வாலண்டின் ஏன் `குருடர்களின் தந்தை` என்று போற்றப்பட்டார்? (4 மதிப்பெண்கள்)

Q6. வாலண்டின் குருடர்களின் முன்னேற்றத்திற்காகப் பாடுபட்டிருக்காவிட்டால் என்ன நடந்திருக்கும்? (3 மதிப்பெண்கள்)

Q7. பொருள் எழுது (4 மதிப்பெண்கள்)

பின்வரும் சொற்கள் மேற்கண்ட கருத்தறிதல் பகுதியில் இடம்பெற்றுள்ளன. அவற்றின் பொருளை உணர்த்தும் வேறொரு சொல்லை எழுது.

அ. இன்னல்களை - _____________________ (2 மதிப்பெண்கள்)

ஆ. ஆர்வத்துடன் - _____________________ (2 மதிப்பெண்கள்)


(முற்றும்)

வெள்ளி, 2 அக்டோபர், 2009

தொடக்கநிலை ஆறாம் வகுப்பு மாணவர்களுக்கு எங்களின் வாழ்த்துக்கள்...



தொடக்கநிலை இறுதியாண்டுத் தேர்வுகளை எழுதவிருக்கும் எங்களது தொடக்கநிலை ஆறாம் வகுப்பு மாணவர்களுக்கு எங்களின் இனிய நல்வாழ்த்துக்கள்.

'இவனை நம்பு அல்லது அவனை நம்பு என்று மற்றவர்கள் சொல்வார்கள்.
ஆனால், முதலில் நீ உன்னிடத்திலேயே நம்பிக்கை வை. அதுதான் முன்னேற வழி.
எல்லா ஆற்றல்களும் உனக்குள்ளேயே இருக்கின்றன.
அதை உணர்ந்து அந்த ஆற்றலை நீ வெளிபடுத்து.
நான் எதையும் சாதிக்க வல்லவன் என்று சொல்.
நீ உறுதியுடன் இருந்தால் பாம்பின் விஷம்கூடச் சக்தியற்றதாக ஆகிவிடும்.'
- சுவாமி விவேகானந்தர்

உங்களால் முடியும், செல்வங்களே!
தன்னம்பிக்கையுடன் உங்கள் ஆண்டிறுதித் தேர்வுகளை எழுதி, அவற்றில் நீங்கள் சிறந்து விளங்க எங்களின் இனிய நல்வாழ்த்துக்கள்.

சிறுவர் தின நல்வாழ்த்துக்கள்!

எங்கள் மாணவச் செல்வங்களுக்கு எங்களின் இதயங்கனிந்த சிறுவர் தின நல்வாழ்த்துக்கள்!


எங்களின் வாழ்த்துச் செய்தி:



வியாழன், 1 அக்டோபர், 2009

இம்மாதத்தின் பொன்மொழி

"காலம் பொன்னைவிட அதிக மதிப்புடையது.

பொன்னை இழந்துவிட்டால் மீண்டும் சம்பாதித்து

விடலாம். ஆனால், காலம் நம்மை விட்டு

ஓடிவிட்டால் அதனை மீட்கவும் முடியாது;மீண்டும்
 
பெறவும் முடியாது."

- சாமுவேல் ஜான்சன்

இம்மாதத்தின் குறள்

மகன்தந்தைக்கு ஆற்றும் உதவி இவன்தந்தை

என்நோற்றான் கொல்எனுஞ் சொல்.


‘இவர் இந்த மகனைப் பெறுவதற்கு என்ன தவம்


 செய்தாரோ’, என்று பிறர் புகழ்ந்து பேசுமாறு மகன் தன்

தந்தைக்கு நற்பெயரைத் தேடித் தர வேண்டும்.

இம்மாதத்தின் விடுகதை

திறந்து திறந்து மூடும்.

ஆனால் ஒலி வராத கதவுகள்.

அவை என்ன?


கண்டுபிடியுங்கள்....

விடை தெரிந்தால் உங்கள் ஆசிரியரிடம் கூறவும்!

வெள்ளி, 18 செப்டம்பர், 2009

நோன்புப் பெருநாள் வாழ்த்துக்கள்!

அனைத்து முஸ்லிம் மாணவர்களுக்கும் ஆசிரியர்களுக்கும் எங்களது இனிய நோன்புப் பெருநாள் நல்வாழ்த்துக்கள்!

எங்கள் மாணவர்களின் நோன்புப் பெருநாள் வாழ்த்து மடல்கள்:





வலைப்பூ ஆரம்பம்…!











15/09/09 செவ்வாய்க்கிழமை அன்று, பிளாங்கா ரைஸ் தொடக்கப்பள்ளியின் வலைப்பூ அறிமுகம் கண்டது. தொடக்கநிலை ஒன்று முதல் ஆறு வரையிலுள்ள மாணவர்கள் அனைவருக்கும் இந்த வலைப்பூ அறிமுகம் செய்யப்பட்டது. வலைப்பூ குறித்தும் அதன் பயன்பாடு குறித்தும் மாணவர்களுக்கு விளக்கம் அளிக்கப்பட்டது. இவ்வலைப்பூ தமிழ் இணைய உலகில் பிளாங்கா ரைஸ் தொடக்கப்பள்ளியின் தமிழ் மொழிப் பிரிவு மேற்கொள்ளும் வெள்ளோட்டப் பயணமாகும். 





வெள்ளி, 11 செப்டம்பர், 2009

வருக! வருக!

"தமிழுக்கும் அமுதென்று பேர்;

அந்தத் தமிழ் இன்பத் தமிழ் எங்கள் உயிருக்கு நேர்!" – பாரதிதாசன்

இம்மாதத்தின் பொன்மொழி

"மனிதனின் உள்ளே இருக்கும் முழுமைத்

தன்மையை வெளிக் கொண்டு வருவதே கல்வி"
-சுவாமி விவேகானந்தர்

இம்மாதத்தின் குறள்

செயற்கரிய செய்வார் பெரியர் சிறியர்

செயற்கரிய செய்கலா தார்.

செய்வதற்கு அரிய செயல்களைச் செய்யக்கூடியவர் பெரியவர் ஆவார். செய்வதற்கு அரிய செயல்களைச் செய்யமாட்டாதவர் சிறியவர் ஆவார்.

வியாழன், 10 செப்டம்பர், 2009

இம்மாதத்தின் விடுகதை


வட்ட முகம் உண்டு


வாய் திறந்து பேசாது


காட்டக் கைகள் உண்டு


கால் ஊன்றி நடக்காது.


அது என்ன?


கண்டுபிடியுங்கள்!

விடை தெரிந்தால் உங்கள் ஆசிரியரிடம் கூறவும்!

தொடக்கநிலை 6 வாய்மொழிக் குரல்பதிவு

வாசிப்பு


குரல்பதிவு : கீர்த்தனா (வகுப்பு: 6A)

தொடக்கநிலை 5 வாய்மொழிக் குரல்பதிவு

வாசிப்பு


குரல்பதிவு: அசினா (வகுப்பு: 5A)
Click here to listen in Windows Media Player


பட உரையாடல்

குரல்பதிவு: அசினா (வகுப்பு: 5A)
Click here to listen in Windows Media Player



 உரையாடல்
குரல்பதிவு: அசினா (வகுப்பு: 5A)

தொடக்கநிலை 4 வாய்மொழிக் குரல்பதிவு

வாசிப்பு


குரல்பதிவு: சபின் சாரா (வகுப்பு: 4A)
Click here to listen in Windows Media Player


பட உரையாடல்


குரல்பதிவு: யூசோப் (வகுப்பு: 4A)
Click here to listen in Windows Media Player

கட்டுரைப் போட்டியில் வெற்றிப் பெற்ற கட்டுரைகள்

தொடக்கநிலை 5
ஆபத்தில் கைகொடுப்போம்

அன்று சூரியன் தன் பணியை முடித்துக் கொண்டு மறைந்து கொண்டிருந்தான். நானும் என் பெற்றோரும் மருத்துவமனையில் ‘அவசர சிகிச்சைப் பிரிவு’ பகுதியில் நின்றுக்கொண்டிருந்தோம். எனது இதயத் துடிப்பே நின்றுவிடும் போலிருந்தது. பயத்தால் என் உடம்பெல்லாம் கிடு கிடுவென நடுங்கின. அப்பொழுது, என் எண்ண அலைகள் பின்னோக்கிச் செல்லத் தொடங்கின.

நானும் எனது பெற்றோரும் பறவைகள் பூங்காவிற்கு வண்டியில் சென்று கொண்டிருந்தோம். அப்போது, சாலையின் முற்ச்சந்திப்பில் யாரோ ஒரு மனிதர் மயங்கி கிடந்தது போல் தெரிந்தது. உடனே, நாங்கள் வண்டியை நிறுத்தி விரைந்து அங்கு சென்றோம். அங்கே ஒரு வயதான முதியவர் முட்டியில் அடிபட்டு இரத்தம் கசிய மயங்கிக் கிடந்தார். உடனே நாங்கள் செய்வதறியாது திகைத்தோம். யாருமே, அவருக்கு உதவி செய்ய முன்வராமல், பார்த்தும் பார்க்காததும் போல சென்றனர். அது மனித நேயமற்ற செயல் அல்லவா?

எனவே, நாங்கள் உடனே அந்த முதியவரை மருத்துவமனைக்குக் கொண்டு செல்ல வேண்டுமெனத் தீர்மானித்தோம். என் தந்தை மருத்தவமனைக்குத் தொடர்பு கொண்டார். சிறிது நேரத்தில் மருத்தவ வண்டி வந்தது. அதற்குள் நாங்கள் அவருக்குக் கட்டுப்போட்டு முதலுதவி செய்தோம். பின் மருத்துவ வண்டி முதியவரைக் கொண்டு சென்றது. அப்பொழுது அந்த முதியவருக்கு அவரது தகவல்கள் தெரியாததால் நாங்களும் உடன் செல்லவேண்டியதாயிற்று.

அப்பொழுது என் தாயார் என்னை அழைத்தாள். அம்முதியவர் இப்பொழுது நலமாக இருப்பதாகக் கூறினார். நான் மகிழ்ச்சி அடைந்தேன். அந்த நாள் என் வாழ்க்கையில் மறக்க முடியாத நாளாகும்.


சரண்யா
5D


தொடக்கநிலை 6
பணம் எங்கே?

அன்று சனிக்கிழமை. கதிரவன் தன் கடமையை ஆற்ற வானில் பிரகாசமாக உதித்தான். திரு. ரவி தன் மனைவியுடன் பேரங்காடிக்குச் சென்றார். அவர்கள் இருவரும் தங்களுக்குத் தேவையான பொருள்களை வாங்கினர். பொருள்கள் நிறைய இருந்ததால் அவர்கள் ஒரு தள்ளுவண்டியைப் பயன்படுத்தினர். அவர்கள் வாடகை உந்துவண்டி நிறுத்தத்திற்குச் சென்றனர். அவர்கள் மின்படிக்கட்டு வழியே செல்ல நேர்ந்தது. அப்போது திரு. ரவி கால் இடறித் தடுக்கி விழுந்தார்.

தள்ளுவண்டியில் உள்ள அனைத்துப் பொருள்களும் கீழே விழுந்து சிதறின. பக்கத்தில் இருந்த பழவியாபாரிகள் தங்களுடைய கடைகளிலிருந்து ஓடி வந்து திரு. ரவிக்கு உதவினர். அவர் மனைவி அவரைத் தூக்கிவிட்டார். உதவி செய்த பழக்கடை வியாபாரிகளிடம் நன்றி கூறிவிட்டுத் திரு. ரவியும் அவர் மனைவியும் வாடகை உந்துவண்டி நிறுத்தத்திற்குச் சென்றனர்.
அப்போதுதான் திரு. ரவி தன் பணம் தொலைந்துவிட்டதை உணர்ந்தார். அது அவர் சட்டைப் பையில் காணவில்லை. அவருக்குப் பதற்றம் உண்டாயிற்று. பணம் இல்லாவிட்டால் வீட்டை அடையமுடியாது. பிறகு என்ன செய்வது என்று யோசித்துக்கொண்டு இருக்கும் வேளையில், ஒரு ஆடவர், "நில்லுங்கள்! நில்லுங்கள்! " என்று கத்திக்கொண்டே திரு. ரவியையும் அவர் மனைவியையும் நோக்கி ஓடி வந்தார்.

"இது உங்களது பணமா? நீங்கள் கீழே விழுந்தபோது இது விழுந்திருக்கலாம்," என்று கூறினார். அது தன் பணம்தான் என்று உணர்ந்ததும் திரு. ரவி அதை மகிழ்ச்சியுடன் ஏற்றுக்கொண்டார். அந்த ஆடவரின் நேர்மையைப் பாராட்டி அவருக்கு நன்றி கூறிய பிறகு இருவரும் வீடு திரும்பினர்.


ச. ஸந்தியா
6A

செவ்வாய், 1 செப்டம்பர், 2009

ஆசிரியர் தின நல்வாழ்த்துகள்

உலகிலுள்ள அனைத்து ஆசிரியர்களுக்கும்

 
எங்களின் இனிய ஆசிரியர் தின நல்வாழ்த்துகள்!

குரல் பதிவுகள் (Podcasts)

உங்கள் கற்றல் நிலைக்கு ஏற்ப கிலிக் செய்து, குரல் பதிவுகளைக் கேளுங்கள்!
வாய்மொழித் தேர்வுக்குத் தயாராகுங்கள்!

உங்களின் படைப்புகள்

மாணவர்களே, உங்கள் படைப்புகளை நாம் வரவேற்கிறோம்.

நீங்கள் எழுதிய கட்டுரை, கவிதை, நகைச்சுவை துணுக்கு முதலியவற்றை இந்த வலைப்பூவில் நீங்கள் பார்க்க விரும்பினால், உடனே உங்கள் தமிழாசிரியரை அணுகுங்கள்!

இப்பக்கத்தில் வரவிருக்கும் புதுமைகளை எதிர்பார்த்துக் காத்திருங்கள்!